Innlent

Streymi Rúv lá niðri

Árni Sæberg skrifar
Illa gengur að streyma frá Efstaleiti.
Illa gengur að streyma frá Efstaleiti. Vísir/Vilhelm

Samkvæmt tilkynningu á vef Ríkisútvarpsins lá allt streymi á vef og í appi niðri um stund áðan. Bilunin gæti varla hafa orðið á verri tíma nú þegar kvennalandsliðið í knattspyrnu leikur upp á sæti á heimsmeistaramóti.

„Allt streymi liggur niðri á vef RÚV og í appi. Hægt er að horfa á útsendingu í gegnum myndlykil. Unnið er að viðgerð,“ sagði áðan á vef Rúv.

Nú hefur tilkynning Rúv verið uppfærð. Streymið er komið í lag.

Íslenska kvennalandsliðið í knattspyrnu leikur nú við það hollenska í leik sem sker úr um hvort liðið fer í aðalkeppni heimsmeistaramótsins í knattspyrnu.

Rúv sýnir frá leiknum og því má gera ráð fyrir að mikið álag sé á streymisveitu þess.

Hægt er að horfa á leikinn mikilvæga í vefsjónvarpi Stöðvar 2.

Ríkisútvarpið Fjölmiðlar

Mest lesið


Fleiri fréttir

Sjá meira


×

Mest lesið