Domino's endurnefnir stað í höfuð landsliðskonu og fyrrum starfsmanns

Hægri bakvörðurinn Bronze hefur verið á meðal þeirra allra bestu í heiminum í sinni stöðu en hún samdi nýlega við Barcelona þar sem hún mun leika á næstu leiktíð. Áður spilaði hún meðal annars fyrir Liverpool, Manchester City og Lyon.

Hún lék einnig fyrir Everton á árunum 2010 til 2012 en samhliða því sinnti hún námi við Leeds-háskóla í íþróttafræðum. Þá vann hún einnig sem pítsubakari á Domino's stað í Leeds.

Domino's hefur tekið upp á því að endurnefna þann stað, sem ber nú heitið Lucy's í stað Domino's. Að auki munu pítsusendlar á staðnum, sem keyra um á vespum, bera bronslitaða hjálma í stað hvítra til heiðurs Bronze og allar konur sem bera nefnið Lucy munu geta sótt fría pítsu á staðinn á sunnudag, daginn sem úrslitaleikurinn fer fram.

England mætir Þýskalandi í úrslitum EM á sunnudagskvöld og vonast eftir sínum fyrsta stóra titli í sögunni.