Fótbolti

Jón Dagur fór ham­förum er AGF burstaði Ís­lendinga­lið Elfs­borg

Runólfur Trausti Þórhallsson skrifar
Jón Dagur í leik dagsins.
Jón Dagur í leik dagsins. AGF

Jón Dagur Þorsteinsson gerði sér lítið fyrir og skoraði tvö af sex mörkum AGF er það lagði Elfsborg 6-1 í æfingaleik á Spáni. Jón Dagur lagði einnig upp tvö mörk í leiknum en alls tóku fjórir Íslendingar þátt í leiknum.

Jón Dagur, sem er á förum frá AGF að tímabilinu loknu, virðist koma vel stemmdur inn í nýtt ár. AGF er nú að undirbúa sig fyrir síðari hluta tímabilsins í dönsku úrvalsdeildinni og vann liðið frábæran 6-1 sigur á Elfsborg frá Svíþjóð í dag en bæði lið eru við æfingar á Spáni.

Mikael Anderson í leik dagsins.AGF

Landsliðsmaðurinn Jón Dagur kom að fjórum mörkum AGF – skoraði tvö og lagði upp tvö til viðbótar – en hann var í byrjunarliði danska félagsins líkt og Mikael Neville Anderson.

Í liði Elfsborg voru einnig tveir Íslendingar. Hákon Rafn Valdimarsson byrjaði í marki liðsins og þá var Sveinn Aron Guðjohnsen í fremstu víglínu. Sveinn Aron skoraði mark sænska liðsins í dag.

Sveinn Aron í leik dagsins.AGF
Fótbolti Danski boltinn Sænski boltinn

Mest lesið


Fleiri fréttir

Sjá meira


×

Mest lesið