1.440 greindust með kórónu­veiruna innan­lands í gær

Frá þessu segir á síðunni covid.is. 10.486 eru nú í einangrun vegna Covid-19 samanborið við 10.653 í gær. 7.307 eru nú í sóttkví, en voru 6.887 í gær. 172 er nú í skimunarsóttkví.

37 prósent af sem greindust innanlands í gær voru í sóttkví við greiningu og 63 prósent utan sóttkvíar.

26 eru nú á sjúkrahúsi með Covid-19, en voru 27 í gær. Þrír eru á gjörgæslu.

4.178 einkennasýni voru greind í gær, 892 sóttkvíarsýni og 719 landamærasýni.

Alls hafa 72.136 manns greinst með kórónuveiruna hér á landi frá því faraldurinn hófst í lok febrúar á þarsíðasta ári. 19 prósent íbúa hafa nú greinst með Covid-19. 47 hafa látist á Íslandi vegna COVID-19 frá upphafi faraldursins.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 4.875 en var 4.854 í gær. Nýgengi á smiti á landamærum er nú 294, samanborið við 275 í gær.