Sá sem dó var fullbólusettur

Samúel Karl Ólason skrifar 14. desember 2021 17:56

Fjórtán eru á sjúkrahúsi og þar af þrír á gjörgæslu. Vísir/VIlhelm

Sá sem lést af völdum Covid-19 á Landspítalanum á föstudaginn var fullbólusettur. Hann var á áttræðisaldri en ekki er vitað hvaða afbrigði kórónuveirunnar hann smitaðist af. Frá upphafi faraldursins hafa 36 látist vegna Covid-19 hér á landi.

Þórólfur Guðnason, sóttvarnalæknir, sagði frá bólusetningu og aldri þess sem lést í samtali við Fréttablaðið.

Í morgun var greint frá því að 147 hefðu greinst smitaðir í gær. Þá væru fjórtán á sjúkrahúsum vegna Covid-19 og þrír á gjörgæslu. Tveir þeirra eru í öndunarvél.

Sjá einnig: 147 greindust með kórónuveiruna innanlands í gær

Nítján smit kom upp á landamærunum í gær – níu virk smit í fyrri landamæraskimun og er niðurstöðu mótefnamælingar beðið í tilviki tíu.

Við Fréttablaðið sagði Þórólfur að um fjörutíu manns hefðu greinst með ómíkron-afbrigðið hér á landi og þá flestir á landamærunum.

Þá sagði Thor Aspelund, prófessir í líftölfræði og formaður skimunarráðs Landspítala, í dag að smittölur síðustu daga séu möguleg vísbending um að viðsnúningur sé að verða í fjölda tilfella Covid-19, til verri vegar.

Faraldur kórónuveiru (COVID-19) Landspítalinn

Tengdar fréttir

Smittölurnar það fyrsta sem Willum horfir til

Willum Þór Þórsson heilbrigðisráðherra segir hverja klukkustund skipta máli í veitingaþjónustu. Því sé horft til þess að geta lengt opnunartíma. Smittölurnar bjóði ekki upp á það sem stendur.

14. desember 2021 16:48

„Ég ítreka að þetta verður alltaf val“

Willum Þór Þórsson heilbrigðisráðherra segir afar mikilvægt að ef verði af bólusetningu barna hér á landi að þá verði það undirbúið með öllum tiltækum ráðum og upplýsingum. Lykilatriði sé að fólk átti sig á því að um val sé að ræða.

14. desember 2021 14:54

Litlar forsendur fyrir tilslökunum fyrir jól

Sóttvarnalæknir telur að óbreyttu líklegt að þær takmarkanir sem nú eru í gildi vari fram yfir jól. Hvorki forsætis- né heilbrigðisráðherra eru spenntir fyrir sérréttindum fyrir bólusetta eins og komið hefur verið á mjög víða í Evrópu.

14. desember 2021 12:05

Þeir sem fengu örvunarskammt eftir Janssen fá annan örvunarskammt

Bóluefnið frá AstraZeneca er búið og verður ekki á boðstólnum þar sem eftir lifir árs. Þeir sem fengu upphaflega bóluefnið frá Janssen og svo örvunarskammt, geta komið í þriðju bólusetninguna fimm mánuðum eftir örvunarskammtinn.

14. desember 2021 07:49

Aldrei fleiri smit á jafn skömmum tíma í ensku úrvalsdeldinni

Alls hafa 42 leikmenn enskur úrvalsdeildarinnar í knattspyrnu smitast af kórónuveirunni á síðustu sjö dögum. Aldrei hafa fleiri leikmenn smitast á jafn skömmum tíma.

13. desember 2021 22:30

Mælt með að börn sem hafa fengið Covid-19 fái líka bólusetningu

Sóttvarnalæknir hefur ákveðið að öllum fimm til ellefu ára börnum hér á landi verði boðin bólusetning gegn Covid 19. Sjúkdómurinn geti verið alvarlegur hjá börnum á þessum aldri og bólusetning minnki líkur á langtímaáhrifum. Bólusett verður í grunnskólum landsins.

13. desember 2021 20:00

Tíu nemendur og fimm starfsmenn Klettaskóla smitaðir

Þó nokkrir nemendur Klettaskóla og starfsmenn hafa verið sendir í sóttkví eftir að smit greindist innan skólans fyrir helgi. Skólastjóri bindur vonir við að fleiri greinist ekki á næstu dögum en ómögulegt sé að segja til um framhaldið.

13. desember 2021 14:40