Verratti kominn með Co­vid í annað sinn

Hinn 28 ára gamli Veratti missti af tveimur leikjum í frönsku úrvalsdeildinni í janúar eftir að hafa greinst með Covid-19. 

Nú hefur hann greinst að nýju og er ljóst að hann missir af toppslag PSG og Lille síðar í dag ásamt stórleiknum gegn Bayern München í miðri viku er liðin mætast í 8-liða úrslitum Meistaradeildar Evrópu.

Rannsóknir hafa sýnt fram á að hægt sé að fá Covid-19 oftar en einu sinni en ekki kemur fram hvaða afbrigði veirunnar Veratti er með. PSG staðfesti fregnirnar á vefsíðu sinni í dag og því ljóst að ítalski miðjumaðurinn verður ekki með í næstu leikjum.