Aðalheiður verður fréttastjóri Fréttablaðsins

Aðalheiður Ámundadóttir hefur verið ráðin í starf fréttastjóra á sameinaðri ritstjórn blaða- og vefútgáfu Fréttablaðsins. Þetta kemur fram á vef blaðsins.

Aðalheiður er þar með orðin þriðji fréttastjóri á ritstjórninni, og slæst hún í hóp með Ara Brynjólfssyni og Garðari Erni Úlfarssyni fréttastjórum.

Aðalheiður er menntuð sem lögfræðingur. Hún hefur starfað hjá Fréttablaðinu frá árinu 2017. Árið 2018 hlaut hún blaðamannaverðlaun Blaðamannafélags Íslands fyrir umfjöllun sína um endurupptöku Guðmundar- og Geirfinnsmálsins.