Kjartan Henry lék allan leikinn í sigri toppliðsins

Framherjinn Kjartan Henry Finnbogason lék allan leikinn í fremstu víglínu hjá Vejle sem lagði Kolding IF 0-1 á útivelli í dönsku B-deildinni í dag. Tobias Mölgaard skoraði eina mark leiksins þegar fjórtán mínútur voru til leiksloka.

Sigurinn þýðir að Vejle styrkir stöðu sína á toppi deildarinnar og er nú með tíu stiga forystu á Viborg sem á leik til góð í öðru sætinu.

Tveir fyrrum leikmenn Pepsi Max deildarinnar komu við sögu í leiknum en Jacob Schoop var í liði Vejle og þá kom Jeppe Hansen inn af varamannabekk Kolding.