Ás­laug Arna boðar til blaða­manna­fundar

Áslaug Arna Sigurbjörnsdóttir dómsmálaráðherra hefur boðað til blaðamannafundar í Ráðherrabústaðnum við Tjarnargötu í dag. Fundurinn hefst klukkan 14.

Ásamt Áslaugu Örnu verða þeir Þórólfur Guðnason sóttvarnalæknir og Víðir Reynisson yfirlögregluþjónn hjá Almannavörnum og munu þeir einnig sitja fyrir svörum.

Á fundinum verða breytingar á reglum um komu ferðamanna til landsins ræddar, en þær taka gildi þann 15. júní næstkomandi.

Sýnt verður frá fundinum í beinni útsendingu hér á Vísi og Stöð 2 Vísi. Þá verður fundurinn einnig í beinni textalýsingu á vefnum.