Brotist inn í bíla og fyrirtæki

Alls voru átta innbrot tilkynnt til lögreglunnar á höfuðborgarsvæðinu í gærkvöldi og nótt.

Í Árbæ var tilkynnt um innbrot í fjóra bíla en ekki er vitað hverju var stolið að því er segir í dagbók lögreglu.

Þá var tilkynnt um innbrot í fyrirtæki í Árbæ þar sem hurð var brotin en ekki kemur fram hverju var stolið.

Á þriðja tímanum í nótt var svo tilkynnt um innbrot í húsnæði íþróttafélags í Breiðholti, á fimmta tímanum var brotist inn í fyrirtæki við Dalveg í Kópavogi og um hálftíma síðar var brotist inn í fyrirtæki við Smiðjuveg, einnig í Kópavogi.

 

Í dagbók lögreglu eru ekki skráðar frekar upplýsingar um innbrotin, til dæmis hverju var stolið.