Viðar Örn kallaður inn í A-landsliðið

Viðar Örn Kjartansson hefur verið kallaður inn í hóp Íslands fyrir leiki liðsins gegn Andorra og Frakklandi en þetta eru tveir fyrstu leikir íslenska landsliðsins í undankeppni EM 2020.

Viðar Örn kemur ekki inn fyrir neinn en það er ljóst að framherjar liðsins eru fáir og þá hefur Alfreð Finnbogason verið að glíma við meiðsli.

Viðar er mikið í fréttunum þessa dagana því í gær fór hann á láni frá FCRostov til HammarbyIF í Svíþjóð.

Viðar Örn hefur leikið 19 leiki fyrir íslenska A-landsliðið og skorað í þeim 2 mörk. Viðar var í fyrsta landsliðshópi Eric Hamrén og síðasti landsleikur hann var 6-0 tapleikurinn á móti Sviss í Þjóðadeildinni.

Ísland mætir Andorra á föstudaginn og Frakklandi á mánudag, en báðir leikirnir fara fram ytra.

Viðar Örn Kjartansson hefur verið kallaður inn í hóp Íslands fyrir leikina gegn Andorra og Frakklandi.

Viðar Örn Kjartansson has been called into the squad for games against Andorra and France.#fyririslandpic.twitter.com/ReIZL5wfKx

— Knattspyrnusambandið (@footballiceland) March 19, 2019