Innblásinn af Pink Floyd í verkfallinu

„Í lagi Pink Floyd Wish you were here er línan „Would you exchange a walk-on part in the war for a lead role in a cage?“,“ segir Radoslav frá suðvestur Póllandi.

„Þannig hugsa ég, ég stend með fólkinu.“

Rado starfar ásamt Dim á Hótel Sögu. Heimir Már Pétursson ræddi við þau í morgun nokkrum mínútum áður en þau lögðu niður störf klukkan 10. Þau hófu vinnu við þrif klukkan 4:30 í morgun.

Rado segist ekki ætla á fund Eflingar í Gamla bíó. Hann komist ekki, hann sé í annarri vinnu seinni partinn. Þau Dim sinni bæði tveimur vinnum.

Aðspurð hvort þau vilji ekki hærri laun segist Dim sannarlega þurfa hærri laun.

Fylgst er með gangi mála í allan dag í verkfallsvaktinni á Vísi.

Að neðan má hlusta á Wish you were here með Pink Floyd.