Ýmir fór með til Tékklands

Hinn ungi og stórefnilegi Ýmir Örn Gíslason er í íslenska landsliðshópnum sem spilar gríðarlega mikilvægan leik gegn Tékkum í undankeppni EM á miðvikudag.

HSÍ tilkynnti nú í hádeginu hvaða 17 leikmenn færu til Tékklands í dag. Það kemur ekkert á óvart í vali Geirs nema að hann taki Ými með.

Ýmir fékk sín fyrstu tækifæri með landsliðinu á æfingamóti í Noregi um nýliðna helgi og augljóslega stóð sig vel þar sem hann er valinn núna.

Leikurinn gegn Tékkum er næstsíðasti leikur strákanna í undankeppninni en hún klárast með heimaleik gegn Úkraínu á sunnudag. Strákarnir verða að vinna báða leikina.

Hópurinn:

Markverðir:

Aron Rafn Eðvarðsson, SG BBM Bietigheim

Björgvin Páll Gústavsson, Die Bergische Handball Club

Aðrir leikmenn:

Arnar Freyr Arnarsson, IFK Kristianstad

Arnór Atlason, Aalborg Håndbold

Arnór Þór Gunnarsson, Die Bergische Handball Club

Aron Pálmarsson, MKB Veszprém KC

Ásgeir Örn Hallgrímsson, Nimes

Bjarki Már Elísson, Fuche Berlin

Bjarki Már Gunnarsson, EHV Aue

Guðjón Valur Sigurðsson, Rhein Neckar Löwen

Gunnar Steinn Jónsson, IFK Kristianstad

Janus Daði Smárason, Aalborg Håndbold

Kári Kristján Kristjánsson, ÍBV

Ólafur Andrés Guðmundsson, IFK Kristianstad

Ómar Ingi Magnússon, Aarhus Håndbold

Rúnar Kárason, TSV Hannover/Burgdorf

Ýmir Örn Gíslason, Valur