Ásmundur Einar gefur ekki kost á sér

Ásmundur Einar Daðason, þingflokksformaður Framsóknarflokksins, hyggst ekki gefa kost á sér á framboðslista flokksins fyrir komandi þingkosningar.

Ásmundur Einar greindi frá þessu á kjördæmisþingi Framsóknar í Norðvesturkjördæmi fyrr í dag.

Ásmundur Einar greinir frá því á Facebook-síðu sinni að síðustu ár hafi verið krefjandi og lærdómsríkur tími. „Þakka fyrir gott samstarf við fjölmarga utan þings og innan. Hlakka til framtíðarinnar,“ segir Ásmundur Einar og segir að dæturnar séu í það minnsta ánægðar með ákvörðun föður síns.

Ásmundur Einar tók sæti á þingi árið 2009.