Asensio byrjar ferilinn hjá Real á rosalegu marki | Sjáðu markið

Hinn ungi Marco Asensio byrjar ferilinn hjá Real Madrid heldur betur vel því hann er kominn á blað í Ofurbikarnum gegn Sevilla.

Asensio gekk í raðir Real Madrid í nóvember 2014, en hann kom til liðsins frá Mallorca. Á síðasta tímabili var hann þó lánaður til Espanyol.

Zinedine Zidane, stjóri Real Madrid, hefur greinilega trú á piltinum því hann byrjaði inná í leik Real gegn Sevilla í leiknum um Ofurbikarinn þar sem sigurvegarar Meistaradeildarinnar og Evrópudeildarinnar mætast.

Asensio skoraði þetta draumamark sem má í sjónvarpsglugganum hér að ofan í sínum fyrsta alvöru leik fyrir Real Madrid.

Leikurinn er í beinni útsendingu á Stöð 2 Sport/HD.