City með risatilboð í Eto'o

Joan Laporta, forseti Barcelona, segir að Manchester City hafi lagt fram „himinhátt" tilboð í sóknarmanninn Samuel Eto'o.

Eto'o á eitt ár eftir af samningi sínum við Barcelona og er sagður líklega vera á leið frá félaginu.

City hefur verið orðað við marga leikmenn í sumar en félagið hefur þó þegar keypt Roque Santa Cruz frá Blackburn.

„Eto'o fékk himinhátt tilboð í frá City sem myndi gera hann að hæstlaunaðasta leikmanni heims," sagði Laporta í samatali við spænska fjölmiðla. „Hann vill þó vera áfram en það gæti reynst erfitt að hafna þessu tilboði."