City-menn búnir að á­frýja

Félagið sendi frá sér stutta tilkynningu þess efnis í dag og sagði að áfrýjað hefði verið í gær, degi áður en fresturinn til þess rann út.

Félagið heldur statt og stöðugt fram sakleysi sínu þrátt fyrir þá niðurstöðu nefndar ensku úrvalsdeildarinnar að um á annað hundrað brot á reglum deildarinnar væri að ræða. Brotin sneru að því að fegra bókhald félagsins, til að geta varið hærri fjárhæðum en ella í leikmenn, og neita að afhenda upplýsingar við rannsókn málsins.

„Það er eindregin afstaða félagsins að álitið sé, á mörgum forsendum, haldið augljósum efnislegum villum, bæði lagalegum, grundvallar- og staðreyndavillum, og sé ótraust.

Félagið er saklaust af ásökunum ensku úrvalsdeildarinnar og fyrir liggur yfirgripsmikið safn óhrekjanlegra sönnunargagna sem styðja allar afstöður þess í þessu máli.

Við munum áfram virða réttarfarsreglur og getum því miður ekki tjáð okkur frekar fyrr en allri málsmeðferð er lokið,“ segir í tilkynningu City-manna í dag.