Eiður: Getum enn náð Real

Eiður Smári Guðjohnsen sagði eftir 2-2 jafnteflisleik Barcelona og Almeria í gær að liðið gæti enn náð Real Madrid að stigum.

Eiður var í byrjunarliðinu en fór af velli í uppbótartíma vegna meiðsla. Ekki er talið að þau séu alvarleg. „Ég fékk högg en við skulum sjá hvað læknarnir segja á morgun."

„Þetta er synd því við vonuðumst til að fá meira en eitt stig úr þessum leik," sagði Eiður á heimasíðu Barcelona. „Við vorum á fleygiferð í fyrri hálfleik og hefðum mátt vera rólegri þegar við vorum með boltann. Þeir settu mikla pressu á okkur en við voru betri í seinni hálfleik."

„Þetta eru okkur vonbrigði þar sem við gerðum allt sem í okkar valdi stóð til að vinna leikinn. Það er enn mikið eftir af tímabilinu og við trúum enn að við getum unnið titilinn."