Messi hefur trú á Rijkaard

Lionel Messi hefur komið knattspyrnustjóra sínum, Frank Rijkaard, til varnar en hann hefur mátt þola mikla pressu í spænsku miðlunum að undanförnu.

Tap liðsins fyrir Getafe um helgina og slakur árangur liðsins á útivelli í deildinni hafa ýtt undir sögusagnir þess efnis að Rijkaard er á síðasta séns hjá liðinu.

Liðið er í þriðja sæti í deildinni sem stendur en Argentínumaðurinn Messi hefur trú á Rijkaard. „Ég vil að Rijkaard haldi áfram svo hann geti haldið áfram að vinna í vandamáli liðsins. Hann býr yfir þeim þroska til að leysa þau vandamál.“