David Beckham er orðinn eins og Scooter

David Beckham er ekki vanur að láta sitt eftir liggja í heimi tískunnar og hann hefur nú komið tískumógúlum um allan heim í opna skjöldu með því að láta aflita á sér hárið. Þýska blaðið Bild hitti naglann á höfuðið í dag þegar það sagði Beckham vera orðinn eins og danstónlistarfrömuðurinn HP Baxter í útliti - en hann er betur þekktur sem íslandsvinurinn Scooter.

Tónlist Íslandsvinarins Scooter þykir ekki sú frumlegasta í bransanum en hann hefur þó valdið uppþotum á ófáum dansgólfunum með "Hyper, hyper" slögurum sínum. Kappinn hefur haldið sig við aflitaða hárið ansi lengi og þýska blaðinu þykir Beckham vera að taka hártískuna beint frá tónlistarmanninum. Bild kallar hárgreiðslu knattspyrnumannsins H.P. Beckster í höfuðið á Baxter.