Rijkaard ánægður með Eið Smára

Eiður Smári Guðjohnsen fær mikið hrós frá stjóra sínum Frank Rijkaard fyrir frammistöðu sína með Barcelona gegn Mallorca í spænsku úrvalsdeildinni í gær. Barcelona sigraði 4-1 og skoraði Eiður Smári tvö markanna.

“Gudjohnsen var mjög yfirvegaður þegar hann skoraði mörkin. Bæði þeirra komu á mjög mikilvægum augnablikum sem að unnu leikinn fyrir okkur,” sagði Rijkaard við fjölmiðla á Spáni eftir leikinn í gær.

Rijkaard sagði einnig að ástæðan fyrir því að Eiður Smári hefði verið tekinn af leikvelli þegar 20 mínútur voru eftir hafi verið sú að hann var “búinn að eyða mikilli orku” eins og hann orðaði það.

Úrslitin í leiknum eru talin fullstór miðað við gang leiksins en Barcelona, þó sér í lagi Eiður Smári, nýttu sín tækifæri einkar vel.