Búið að handtaka fjóra vegna líkamsárásar

Lögreglan í Keflavík hefur handtekið fjóra menn vegna alvarlegrar líkamsárásar í bænum í morgun. Ráðist var á tvo menn og þurfti að flytja annan þeirra á sjúkrahús í Reykjavík vegna áverka á höfði.

Árásin átti sér stað á Tjarnargötu í Keflavík um hálfsexleytið í morgun. Þar voru menn á gangi þegar bíl var ekið upp að þeim. Út úr honum stigu fjóri karlmenn réðust á tvímenningana með barsmíðum. Slaðasaðist annar þeirra svo mikið á höfði að hann var fluttur með sjúkrabíl á Landspítalann í Fossvogi þar sem hann gekkst undir rannsóknir í morgun. Er líðan hans stöðug að sögn læknis sem reiknar með að hann nái sér að fullu. Hitt fórnarlambið fékk að fara heim eftir skoðun á heilsugæslu.

Lögregla fékk greinargóðalýsingu á þeim sem voru að verki og handtók þá í morgun. Þegar er byrjað að yfirheyra einhverja þeirra en aðra er ekki hægt að yfirheyra vegna ölvunar. Lögregla segir ekki ljóst enn hver tildrög árásarinnar voru.