Dómur þyngdur í Hæstarétti vegna morðs í Hamraborg

Hæstiréttur þyngdi í dag dóm yfir Magnúsi Einarssyni, sem ákærður var fyrir að hafa myrt eiginkonu sína, Sæunni Pálsdóttur, að heimili þeirra að Hamraborg í Kópavogi 1. nóvember 2004. Héraðsdómur hafði dæmt hann í níu ára fangelsi en Hæstiréttur þyngdi dóminn í ellefu ár að kröfu ákæruvaldsins sem áfrýjaði dómnum. Frá dómnum dregst gæsluvarðhald sem Magnús hefur setið í frá 1. nóvember 2004. Þá staðfesti Hæstiréttur ákvæði hérðasdóms um skaðabætur til handa börnum þeirra tveimur og foreldrum Sæunnar, en þær nema á fjórtándu milljón króna.