Tekinn með mikið magn marijúana

Karlmaður á fimmtugsaldri var handtekinn eftir að 120 grömm af marijúana fundust við leit lögreglunnar í Reykjanesbæ í bifreið hans á ellefta tímanum í gærkvöldi.

Við húsleit á heimili mannsins í Reykjavík fundust kannabisfræ og talsvert magn marijúana auk hundrað þúsund króna í peningum. Þá fundust sextíu kannabisplöntur og mikið magn marijúana í atvinnuhúsnæði í Sandgerði en maðurinn er grunaður um ræktun plantanna.

Maðurinn var yfirheyrður í gærkvöldi og nótt og sleppt að því loknu.