Lét ófriðlega fyrir utan partí í Grafarvogi

Lögreglan í Reykjavík var kölluð að húsi í Grafavogi á miðnætti í gær en þar fór fram unglingapartí. Foreldrar veisluhaldarans voru ekki heima og fór partíið úr böndunum þegar maður vopnaður felgulykli og hnífi fór að berja á húsinu þar sem honum var vörnuð innganga í partíið. Þegar lögregla kom á vettvang var maðurinn hins vegar á bak og burt en lögregla fann hann skömmu seinna á bíl. Hann reyndist töluvert ölvaður og var fluttur í fangageymslur þar sem hann gistir nú. Lögregla gerði bæði hnífinn og felgulykilinn upptækan.