Útlendingar látnir í bílslysum

Það sem af er ári hafa fjórir útlendingar látist í umferðarslysum hér á landi, samkvæmt upplýsingum Umferðarstofu. 20. júlí lést tékknesk kona þegar ökumaður bíls missti stjórn á honum þannig að hann fór út af og valt á Vatnsnesvegi í Vestur-Húnavatnssýslu. Þjóðverji lést í bílveltu við Vatnsskarð á Krísuvíkurvegi 24. júlí og brasilískur maður lést í bílveltu á Þjórárdalsvegi 10. þessa mánaðar. Í því slysi lést einnig íslenskur ökumaður bílsins sem valt. Þá lést pólskur maður í fyrradag þegar jeppabifreið fór út af og valt skammt frá Varmahlíð.