Griezmann fer frá Atletico í sumar

Antoine Griezmann mun ekki klæðast treyju Atletico Madrid á næsta tímabili en hann ætlar að yfirgefa félagið í sumar.

Félagið tilkynnti að Frakkinn hafi sagt forráðamönnum Atletico að hann ætli sér að fara í sumar.

„Þakka ykkur fyrir allt saman, þetta hafa verið ótrúleg fimm ár,“ sagði Griezmann í kveðju sinni á heimasíðu félagsins.

Samkvæmt heimildum Sky Sports er Barcelona tilbúið til þess að borga upp samning Griezmann, en Börsungar þurfa að punga út 108 milljónum punda fyrir franska framherjann.