„Ég er enn að venjast and­litinu á mér“

Goodman var gestur í hlaðvarpinu Happy Sad Confused hjá Josh Horowitz á mánudaginn og ræddi þar þyngdartap sitt og hvernig það hefur haft áhrif á það hvernig hann nálgast leiklistina.

„Ég hunsa það,“ sagði Goodman um samfélagsumræðuna um útlit sitt og bætti við: „Fyrst ég er í þessum bransa er það réttmætt skotmark, upp að vissu marki.“

„En já, ég er enn að venjast andlitinu á mér. Það er skrítið. Ég hugsa um sjálfan mig á ákveðinn hátt og síðan sé ég sjálfan mig: „Ó vá.“ Þannig já, það er margt sem ég er enn að venjast,“ sagði Goodman.

Goodman var spurður hvort 180 kílóa þyngd hans hefði takmarkað tækifæri hans í bransanum og sagðist hann alveg geta tekið undir það.

„Ég var alveg að vinna nóg,“ sagði hann um þau hlutverk sem hann fékk og bætti við: „Ég velti því fyrir hvort ég hafi skemmt fyrir sjálfum mér.“

Glímdi lengi við Bakkus

Goodman opnaði sig nýverið um drykkju sína gegnum árin í viðtali við The New Yorker. Hann hafi á tímabili hafa verið farin að drekka í vinnunni, horft á heiminn gegnum Budweiser-flösku og byrjað á sama tíma að borða yfir sig. Hann varð edrú árið 2007 en átti samt erfitt með að halda heilbrigðri rútínu eftir það.

„Ég léttist um 27 kíló um sumarið en bætti því á mig um leið. Þrjátíu kíló, 36 kíló og það varð þreytandi. Ég reyndi að taka ákveðin skref til að lenda ekki í því. Ég var orðin næstum 180 kíló. Ég var farinn að borða alkahólískt eftir að ég hætti að drekka,“ sagði hann í viðtalinu við New Yorker.

Hann hafi á endanum þurft að fara í aðgerð á maga til að hjálpa sér að léttast. Því hafi þó fylgt ákveðnar aukaverkanir.

„Ég varð blóðlítill og missti fitulag undir húðinni svo mér er alltaf kalt,“ sagði hann um aðgerðina.

Sjá einnig: Slasaðist við tökur í Bretlandi

Hann sé nú vera einbeittur að því að byggja upp sterkan kjarna eftir að hann mjaðmabrotnaði við tökur á Digger á síðasta ári. Það hefði tekið hann tvo mánuði að jafna sig.