Leik lokið: Víkingur-Fram 2-2 | Víkingar rétt sluppu við súra sigur­há­tíð

Víkingar og Fram gerðu 2-2 jafntefli í lokaleik Íslandsmótsins 2026 en lokaumferð Bestu deildar karla lauk í Víkinni í kvöld.

 Framarar komust tvisvar yfir í leiknum en Íslandsmeistararnir jöfnuðu í tvígang og komu í veg fyrir tap á sigurhátíðinni en Víkingar tóku við Íslandsskildinum eftir leik. 

Valdimar Þór Ingimundarson skoraði jöfnunarmarkið eftir sendingu frá Gylfa Þór Sigurðssyni. Aron Elís Þrándarson jafnaði í fyrra skiptið en þeir Kristófer Konráðsson og Þorri Stefán Þorbjörnsson komu Fram tvívegis yfir.

Framarar byrjuðu leikinn af krafti og skoraði Kristófer Konráðsson fyrsta mark leiksins á 10. mínútu með stórkostlegu skoti fyrir utan vítateig eftir stutta hornspyrnu frá Haraldi Einari Ásgrímssyni. Gestirnir voru öflugir og ollu Víkingum töluverðum vandræðum áður en heimamenn náðu betri tökum á leiknum.

Aron Elís Þrándarson jafnaði leikinn á 34. mínútu með hörku skoti eftir að boltinn barst til hans eftir hreinsun Framara. Staðan í hálfleik því 1-1.

Þorri Stefán Þorbjörnsson kom svo Fram aftur yfir þegar hann skallaði boltann í netið eftir aukaspyrnu Fred Saraiva.

Víkingar sóttu þá af auknum krafti og jafnaði Valdimar Þór Ingimundarson metin á 71. mínútu þegar hann náði að breyta stefnu skots frá Gylfa Þór Sigurðssyni.

Bæði lið fengu góð tækifæri til þess að bæta við en fleiri urðu mörkin ekki og lokatölur því 2-2.

Atvik leiksins

Eftir áföll og skakkaföll á tímabilinu hjá Víkingum að þá var hugljúft að sjá Ingvar Jónsson lyfta skildinum með félögunum.

Stjörnur og skúrkar

Valdimar Þór og Aron Elís með mörkin fyrir Víkinga. Gylfi Þór Sigurðsson átti svo stoðsendinguna í marki Valdimars.

Ármann Ingi Finnbogason var svo virkilega líflegur fyrir heimamenn í kvöld.

Verð að setja Ugga Jóhann Auðunsson í skúrksætið í kvöld en hann kom út úr markinu í marki Þorra og sló hreinlega í autt.

Kristófer Konráðsson og Þorri Stefán skoruðu svo sitthvort markið fyrir Fram.

Stemning og umgjörð

Það var alvöru stemning hérna í Víkinni. Hörku mæting og ég býst við að það verði fagnað fram á nótt.

Dómarar

Vilhjálmur Alvar Þórarinsson var á flautunni í dag. Honum til aðstoðar voru þeir Gylfi Már Sigurðsson og Eysteinn Hrafnkelsson. Það var mjög gott flæði á leiknum og Vilhjálmur var með góð á honum.