Skulda Rahm og DeChambeau milljónir dollara

Stjórnendur LIV eru að berjast í bökkum með að halda mótaröðinni á floti eftir að sádi-arabískir fjárfestar drógu fjárhagslegan stuðning sinn til baka. Mótaröðin er stórskuldug og virðist eiga í erfiðleikum með að borga til baka.

Eftir að tímabilið kláraðist nú í sumar losaði mótaröðin við 90 prósent af starfsmönnum mótaraðarinnar og byrjaði leit fyrir fjárfestingu frá öðrum stöðum. Samkvæmt Sky News er LIV-mótaröðin að ræða við samningsbundna leikmenn hvort þeir vilji fara frá mótaröðinni eða halda áfram hjá LIV í nýrri og breyttri mynd.

Mótaröðin stórskuldug

Þegar LIV lýsti yfir gjaldþroti kom í ljós að mótaröðin skuldar enn mörgum leikmönnum mótaraðarinnar pening. Þeir sem mótaröðin skuldar mest eru stjórstjörnurnar Jon Rahm og Bryson DeChambeau en mótaröðin á eftir að borga þeim milljónir dollara.

Óvíst er hvað verður um kylfingana sem eru enn samningsbundnir LIV en fyrr á þessu ári bauð PGA- mótaröðin nokkrum kylfingum samning sem gaf þeim tækifæri á að snúa aftur til mótaraðarinnar. Brooks Koepka tók þeim samning en kylfingar á borð við DeChambeau og Cameron Smith vildu ekki taka honum. Ekki er búist við að annar slíkur samningur verði í boði fyrir leikmenn LIV-mótaraðarinnar.

LIV-mótaröðin stefnir enn á að halda áfram göngu sinni og eru skipulögð mót í Bandaríkjunum, Englandi og Ástralíu svo eitthvað sé nefnt. Mótaröðin stefnir enn á að halda áfram göngu sinni þrátt fyrir breytta mynd. Við þurfum einfaldlega að bíða og sjá hver lausnin verður og hvort mótaröðin nái að halda áfram starfsemi sinni.