Sparkaði golfboltanum aftur inn á flötina

Áhorfendur voru búnir að raða sér meðfram girðingu sem aðskildi mörk vallarins en kylfingar mega ekki leika boltum sem fara hinum megin við girðinguna. Boltinn hans Conners endaði þá inni á gríni eftir spark áhorfandans og þurfti því að fletta upp í reglubókum hvort Conners ætti að taka víti.

Eftir sparkið endaði boltinn aðeins fjórum metrum frá holunni og því væri hentugt fyrir Conners að fá að leika boltanum þaðan. Samkvæmt reglum í golfi þá hefði Conners mátt leika boltanum ef boltinn hefði farið óvart í áhorfanda. En vegna þess að áhorfandinn sparkaði viljandi í boltann þá þarf Conners að taka högg í víti þar sem boltinn endaði utan vallar.

Conners var þá að spila með Nick Taylor í liði gegn Bandaríkjamönnunum Russell Henley og Jacob Bridgeman. Þeir enduðu á því að fá skolla á holunni og töpuðu henni og var útlitið ekki gott fyrir Taylor og Conners í viðureigninni. Þeir náðu þó að koma til baka og unnu viðureignina og skiluðu mikilvægu stigi fyrir sitt lið.

Atvikið má sjá í spilaranum hér að ofan