Fótbolti

Brynjar og Daníel byrja tíma­bilið í brekku

Ágúst Orri Arnarson skrifar
Daníel Leó Grétarsson
Daníel Leó Grétarsson Sönderjyske

Tímabilið hefur farið illa af stað hjá Brynjar Inga Bjarnasyni og Daníel Leó Grétarssyni með liði Sonderjyske. Liðið hefur ekki enn unnið leik og tapaði 0-3 gegn Nordsjælland í 5. umferð dönsku deildarinnar í dag.

Brynjar er nýgenginn til liðs við Sonderjyske og myndar þriggja manna vörn ásamt Daníel Leó.

Íslensku miðverðirnir hafa náð að halda marki Sonderjyske hreinu í einum leik á tímabilinu en tókst ekki að standa í vegi fyrir Markus Walker í dag. Vængbakvörðurinn skoraði fyrstu tvö mörk Nordsjælland á 44. og 60. mínútu.

Brynjar og Daníel voru báðir farnir af velli þegar Villum Berthelsen skoraði þriðja mark Nordsjælland undir lok leiks.

Sonderjyske er í neðsta sæti dönsku deildarinnar með 1 stig eftir 5 umferðir en liðið endaði í efri hlutanum á síðasta tímabili. 

Næsti leikur liðsins verður Íslendingaslagur gegn stórveldinu FCK.

Danski boltinn

Mest lesið


Fleiri fréttir

Sjá meira


×

Mest lesið