Innlent

Quang Le fer ekki langt

Sigurgeir Þorkelsson skrifar
Það vakti mikla athygli þegar Quang Le festi kaup á Herkastalanum árið 2022 fyrir hálfan milljarð króna. Þær fréttir bárust síðan í fyrra að hann hefði selt hann frá sér fyrir 865 milljónir króna. 
Það vakti mikla athygli þegar Quang Le festi kaup á Herkastalanum árið 2022 fyrir hálfan milljarð króna. Þær fréttir bárust síðan í fyrra að hann hefði selt hann frá sér fyrir 865 milljónir króna.  Vísir

Landsréttur hefur staðfest áframhaldandi farbann yfir Quang Lé til föstudagsins 25. september næstkomandi. Quang er sakborningur í máli þar sem meðal annars er til rannsóknar gífurlega umfangsmikið mansal.

Greint var frá því þann 5. mars árið 2024 að miðlæg rannsóknardeild lögreglu hefði lagst í umfangsmiklar aðgerðir víða um land vegna gruns um mansal, peningaþvætti og skipulagða glæpastarfsemi. Aðgerðir fóru fram á höfuðborgarsvæðinu, Suðurlandi, Suðurnesjum og Norðurlandi.

Quang sætti upprunalega gæsluvarðhaldi í rúma þrjá mánuði fram til 13. júní. Hann hefur síðan þá, í rúm tvö ár, sætt farbanni og mun gera áfram næstu þrjá mánuði.

Talin er hætta á að Quang flýi land til að forðast fullnustu refsingar sæti hann ekki farbanni. Í úrskurðinum segir að rökstuddur grunur sé um að hann hafi framið brot sem fangelsisrefsing liggi við.

Þar kemur einnig fram að rannsókn málsins sé á lokametrunum og að málið sé afar umfangsmikið. Grunur sé um skipulagða glæpastarfsemi sem teygi anga sína yfir landamæri og stóð yfir um margra ára skeið. Þá hafi fjöldi einstaklinga annaðhvort stöðu brotaþola, alls tuttugu og níu, eða stöðu sakbornings.

Það sé af slíkum ástæðum sem leyfi sé veitt fyrir áframhaldandi farbanni þrátt fyrir að það hafi staðið yfir í rúm tvö ár en farbann er þvingunarráðstöfun sem ekki má standa yfir lengur en nauðsynlegt er miðað við eðli og umfang máls.

Mál Quangs Le Lögreglumál Mansal

Tengdar fréttir

„Hvað er að lög­reglunni?“

Sveinn Andri Sveinsson, lögmaður og verjandi Quang Le, segir lögreglu hafa farið langt yfir strikið þegar ráðist var inn á heimili 18 ára sonar Quang Le og 78 ára móður hans klukkan 6:30 á föstudagsmorgun. Hann segir að tengsl fólksins við Quang Le réttlæti ekki aðgerðir af þessu tagi.

Sýkna Landsbankann af kröfum Quang Le

Héraðsdómur Reykjavíkur sýknaði Landsbankann af kæru Quang Le. Le, sem er meðal annars grunaður um mansal, var synjað um að stofna bankareikning og ákvað því að stefna Landsbankanum.

Quang Le „virkilega indæll og mjög næs náungi“

„Það er bara ekki sama hvort það er Jón eða séra Jón, eða hvort það er Íslendingur eða Víetnami. Það gilda augljóslega ekki sömu reglur,“ segir Sveinn Andri Sveinsson hæstaréttarlögmaður og verjandi Quangs Le, sem sætir um þessar mundir rannsókn í tengslum við eitt stærsta mannsalsmál sem komið hefur upp hér á landi – og átti upptök sín í matvælageymslu í Sóltúni.

Mest lesið


Fleiri fréttir

Sjá meira


×

Mest lesið