Viktor Gísli með 54 prósent mark­vörslu í spænsku deildinni

Barcelona vann Cuenca með 29 marka mun, 52-23, en liðið var 27-12 yfir í hálfleik.

Viktor Gísli varði alls 14 skot í leiknum eða 54 prósent skota sem á hann komu en hann spilaði bara fyrri hálfleikinn. Hann varði átta langskot og sex skot af línu.

Barcelona hefur unnið alla 25 deildarleiki sína og er því komið með 50 stig og yfirburðaforystu í deildinni. Liðið er þegar búið að tryggja sér titilinn sem var sá 33. í röðinni en Börsungar hafa unnið titilinn sextán ár í röð.

Viktor Gísli lokaði markinu í fyrri hálfleiknum þar sem hann varði 54 prósent af skotum leikmanna Cuenca eða 14 af 26. Í hálfleik kom danski landsliðsmarkvörðurinn Emil Nielsen í markið og varði tíu skot eða 48 prósent.