Upp­sögn Ragnars Freys, öryggisógnir og ís­lenskur þorskur

Íslensk netkerfi eru vel í stakk búin til að takast á við ógnarhraðar breytingar á gervigreindinni að sögn forsvarsmanns íslensku netöryggissveitarinnar CERT-IS. Góðu fréttirnar séu þær að hún nýtist einnig til góðra verka.

Gabríel Douane Boama játaði óvænt að hafa barið þrjá fangaverði á Litla-Hrauni og notað við það armbandsúr í ágúst árið 2024, þegar aðalmeðferð í máli hans hófst í morgun. Hann vildi þó að ákærunni yrði breytt á þann veg að orðið hnúavopn yrði fellt á brott, sem ákæruvaldið féllst á.

Þingmaður Viðreisnar og flutningsmaður frumvarps sem heimilar netsölu áfengis hér á landi segir mikilvægt að jafna stöðu innlendra fyrirtækja og þeirra erlendu sem mega selja vín í smásölu. Forsvarsmaður Smáríkisins var í gær sakfelldur fyrir smásölu á hvítvíni en dómnum hefur verið áfrýjað.

Umhverfisverndarsamtökin Marine Conservation Society hafa hvatt neytendur til að forðast breskan þorsk og kaupa heldur þorsk frá Íslandi, þar sem nóg sé af honum. Samtökin gefa út leiðarvísinn Good Fish Guide, þar sem neytendur og fyrirtæki eru hvött til að haga innkaupum sínum í þágu sjálfbærra veiða.