Innlent

Braut rúðu eftir að hafa verið synjað um starf

Hólmfríður Gísladóttir skrifar
Fjórir gistu fangageymslur lögreglu í morgun.
Fjórir gistu fangageymslur lögreglu í morgun. Vísir/Einar

Lögreglan á höfuðborgarsvæðinu handtók mann í gærkvöldi eða nótt eftir að viðkomandi braut rúðu á hóteli í miðborginni. Um var að ræða einstakling sem hafði sótt um starf á hótelinu en verið synjað. Brást hann illa við og hafði ítrekað verið tilkynnt um hegðun hans.

Annar maður var handtekinn í miðborginni sökum ástands en sá reyndist eftirlýstur þegar betur var að gáð.

Lögreglu barst einnig tilkynning um eld í tveimur ökutækjum í Kópavogi, sem breiddist svo út í yfirbyggingu. Talsvert tjón varð vegna eldsins og er málið í rannsókn. 

Einn var handtekinn fyrir þjófnað í verslun í Hafnarfirði og nokkrir stöðvaðir í umferðinni, þeirra á meðal ökumaður sem grunaður er um að hafa valdið umferðarslysi undir áhrifum áfengis.

Lögreglumál Hótel á Íslandi

Mest lesið


Fleiri fréttir

Sjá meira


×

Mest lesið