Skoða að ná Lúð­vík upp áður en sprungan verður fyllt

Morgunblaðið greinir frá því að dómsmálaráðuneytið hafi samþykkt að greiða fyrir mat á því hvort hægt sé að ná jarðneskum leifum Lúðvíks upp úr sprungunni. Samkvæmt blaðinu hefur sést í þjöppuna sem Lúðvík var að vinna á ofan í sprungunni og er hann talinn hvíla nálægt henni. Ráðuneytið hefur falið Grindavíkurnefnd að finna verkfræðistofu til að reikna burðarþol og fleira áður en ráðist verður í framkvæmdir.

„Við erum að vinna eftir aðgerða áætlun við sprungufyllingar í bænum. Þannig er mál með vexti að sprungan þar sem hann fer niður er að komast á framkvæmdastig. Við viljum hins vegar ekki fara í hana fyrr en búið er að gera úrslitatilraun til að kanna hvort hann finnist,“ hefur Morgunblaðið eftir Árna Þór Sigurðssyni, formanni nefndarinnar.

Samkvæmt dómsmálaráðuneytinu verður það lögreglustjórans á Suðurnesjum að ákveða hvort ráðist verði í leit og björgun þegar matið liggur fyrir. 

Fimm eru með réttarstöðu grunaðs í tengslum við andlát Lúðvíks, samkvæmt Morgunblaðinu.