Eyja­menn stöðvuðu á­hlaup Aftur­eldingar

Þetta var fjórði sigur ÍBV í röð en þriðja tap Aftureldingar í röð. 

Leikurinn var mjög sveiflukenndur. Eyjamenn voru með yfirhöndina og náðu mest sex marka forystu í seinni hálfleik en Afturelding var aldrei langt undan og var búið að minnka muninn niður í eitt mark þegar fimm mínútur voru eftir.

Þá tók áhlaupið hins vegar enda, Afturelding skoraði næstu þrjár mínúturnar og ÍBV náði aftur forystunni. 32-29 urðu lokatölur.

Morgan Goði Garner varði vel í marki ÍBV, 14 af 32 skotum eða tæp 44 prósent.

Hákon Daði Styrmisson var markahæstur hjá ÍBV með 7 mörk en Andri Erlingsson gaf flestar stoðsendingar, 6 talsins.

Með sigrinum tókst ÍBV að jafna Aftureldingu að stigum en liðin sitja í 4. og 5. sæti deildarinnar.