Viðskipti innlent

55 sagt upp í tveimur hóp­upp­sögnum

Atli Ísleifsson skrifar
Unnur Sverrisdóttir er forstjóri Vinnumálastofnunar.
Unnur Sverrisdóttir er forstjóri Vinnumálastofnunar. Vísir

Alls bárust tvær tilkynningar um hópuppsagnir til Vinnumálastofnunar í nóvember 2025. Í þeim var samtals 55 starfsmönnum sagt upp störfum.

Í tilkynningu á vef stofnunarinnar segir að flestum sem sagt hafi verið upp hafi verið í ferðaþjónustutengdri starfsemi með alls 38 starfsmönnum.

Þá var sautján starfsmönnum sagt upp hjá fyrirtæki á sviði þjónustu landbúnaðarvéla, vélaverktaka og fleira.

Fram kemur að uppsagnirnar komi flestar til framkvæmda mars 2026 til júní 2026.

Í október barst ein tilkynning um hópuppsögn inn á borð Vinnumálastofnunar þar sem 25 starfsmönnum var sagt upp störfum í útgerðarfyrirtæki.

Með hópuppsögn er átt við uppsagnir atvinnurekanda á fastráðnum starfsmönnum þar sem fjöldi starfsmanna sem sagt er upp á þrjátíu daga tímabili er að minnsta kosti 10 starfsmenn í fyrirtækjum sem venjulega hafa 21-99 í vinnu, minnst 10% starfsmanna í fyrirtækjum með 100-299 í vinnu eða minnst 30 starfsmenn þar sem venjulega eru 300 eða fleiri.

Vinnumarkaður Ferðaþjónusta


Mest lesið


Fleiri fréttir

Sjá meira


×

Mest lesið