„Það kom aldrei neitt annað til greina“

„Mér líður ógeðslega vel, miklu betur heldur en eftir síðasta leik. Ég er mjög ánægð að við séum komnar í þennan milliriðil sem verður hörku verkefni sem við erum spenntar að takast á við.“

Spurð að því hvernig henni hafi þótt leikurinn spilast brýnir Þórey okkur fyrir því að þó svo að andstæðingurinn hafi ekki verið sá sterkasti í kvöld þá skiptir það miklu að klára verkefnið almennilega og ekki gefa nein óþarfa færi á sér.

„Það var það ekki en það er rosalega mikilvægt í svona leikjum að vera með einbeitinguna í lagi því að þetta getur alveg farið í eitthvað bull. Þær spila handbolta sem að við erum ekki vanar að spila á móti. Mér fannst við gera þetta ágætlega í dag, skiluðum þessum sigri og erum komnar í milliriðla.“

Þórey fékk tækifæri í síðasta leik til að jafna leikinn gegn Serbum þegar tíu sekúndur voru eftir af leiknum en því miður fyrir okkur þá varði sú serbneska í markinu frá Þóreyju.

„Ég losaði mig við svekkelsi síðasta leiks um kvöldið og það kom aldrei neitt annað til greina en að ég myndi ekki nýta færin mín hér í dag. Ég er með það sterkan haus að ég myndi taka þetta færi aftur og skora úr því.“

Markmiðinu í riðlakeppninni náð, hver eru markmiðin fyrir milliriðilinn?

„Góð spurning. Við eigum eftir að skoða þetta. Við eigum góða möguleika en þetta verða erfiðir leikir sem við erum spenntar fyrir. Fyrst munum við fagna þessu aðeins og fá okkur eitthvað annað en þennan mat á hótelinu“ sagði Þórey en viðtalið má sjá í spilaranum hér fyrir neðan.