Vínsali býst við á­kæru, kúnnalisti Epstein og stemming í bænum

Afmælishátíð Reykjavíkurborgar, Menningarnótt, verður haldin hátíðleg í dag og geta gestir hátíðarinnar sótt um fjögur hundruð viðburði víðs vegar um borgina. Tómas Arnar fréttamaður er staddur við Þjóðleikhúsið við Hverfisgötu og verður í beinni í hádegisfréttum.

Ghislaine Maxwell, dæmd samverkakona kynferðisbrotamannsins Jeffrey Epstein, segist í viðtali við dómsmálaráðuneyti Bandaríkjanna aldrei hafa séð Donald Trump Bandaríkjaforseta hegða sér ósæmilega og kannast jafnframt ekki við tilvist kúnnalista Epstein.

Rótgróna sveitahátíðin Grímsævintýri fer fram á Borg í Grímsnesi í dag, en hátíðin er skipulögð af Kvenfélagi Grímsneshrepps. Meðal atriða dagsins er tombóla, sem er nú haldin í 99 sinn. Magnús Hlynur Hreiðarsson kannaði aðstæður.

Það er fleira um að vera á Suðurlandinu en nú stendur yfir fjögurra daga Njáluhátíð í Rangárþingi. Guðni Ágústson, fyrrverandi ráðherra og formaður Njálufélagsins var staddur undir Þríhyrningi þar sem brennumenn búast til reiðar á Gaddstaðaflatir þegar fréttastofa náði af honum tali nú skömmu fyrir fréttir.

Þá er íþróttafréttamaðurinn Stefán Árni Pálsson staddur í miðborginni þar sem hann hefur fylgst með Reykjavíkurmaraþoninu í morgun. Þetta og margt fleira í hádegisfréttum Bylgjunnar klukkan tólf.