ESB and­stæðingar blekkja Ís­lendinga

Það komu núna tvær rangfærslu greinar á vísir um Evrópusambandið. Önnur er frá formanni einangrunar samtakanna Heimssýn og hin er frá Hjörtur J. Guðmundsson sem hefur þann eina starfa í dag að skrifa greinar andstæðar Evrópusambandinu. Báðar þessar greinar eru byggðar á rangfærslum.

Byrjum á greininni sem formaður Heimssýnar skrifaði (Haraldur Ólafsson).

Evrópusambandið starfar eingöngu í Evrópu

Það mætti halda að þetta væri ekki flókið en þetta er samt eitthvað að þvælast fyrir Heimssýn. Þar sem ljóst er að Evrópusambandið starfar eingöngu í Evrópu. Því er sjálfsagt að þjóðir sem eru innan Evrópu fái að ganga í Evrópusambandið. Þjóðir í Afríku hafa allar (nema þeim sem er búið að víkja úr tímabundið) gengið í Afríkubandalagið sem er að leggja grunn að efnahagslegu bandalagi í Afríku. Þar eru 55 þjóðir í því bandalagi. Þarna á að búa til tollabandalag, myntbandalag og efnahagsbandalag 55 þjóða. Þegar þessu verður lokið eftir nokkuð marga áratugi, þá verður þarna gífurlega öflug efnahagsbandalag í Afríku.

Síðan er Ísland þjóð í Evrópu. Ég veit ekki hvaða svæði heimsins Haraldur Ólafsson telur íslendinga tilheyra en það má lesa úr grein hans að hann telur íslendinga ekki tilheyra Evrópu.

Síðan er það fáránlegt að sjá formann Heimssýnar saka Evrópusambandið um einangrunarstefnu. Þegar raunveruleikinn er að Evrópusambandið gerir mest að því að tryggja viðskiptahagsmuni aðildarríkja sinna og viðskipti milli aðildarríkja. Það er Heimssýn sem vill einangra Ísland, gera lífið á Íslandi erfiðara og dýrara en það er nú þegar í dag.

Síðan hefur útganga Bretlands úr Evrópusambandinu verið hörmung og heldur áfram að vera það. Kostnaður við matvæli ríkur upp í Bretlandi núna, fólk fæst ekki vinnu til þess að ná inn uppskeru þar sem búið er að enda frjálsa för til Bretlands. Efnahagurinn er einnig hægt og rólega að skreppa saman hjá Bretum og er núna talað um að Bretland hefði aldrei átt að ganga úr Evrópusambandinu og að andstæðingar Evrópusambandsins í Bretlandi hafi gert neitt annað en að ljúga að fólki til þess að fá fram þeirra niðurstöðu í kosningunum 2016 um aðild að Evrópusambandinu í Bretlandi.

Það ríkir algjört skilningsleysi á útflutningi Íslands og efnahag í þessari grein. Meirihluti alls þess sem íslendingar framleiða fer á markað innan Evrópusambandsins. Þannig hefur það verið í marga áratugi og er ekki að fara að breytast. Íslendingar eru því alltaf háðir því sem gerist innan Evrópusambandsins. Því er betra að vera innan Evrópusambandsins sem fullur aðili heldur en ríki sem stendur fyrir utan, án áhrifa og valda. Alþjóðleg stjórnmál eru flókin og alþjóðleg viðskipti tvöfalt það.

Það búa kannski aðeins 5% jarðarbúa í Evrópusambandinu en það er samt rúmlega 449 milljónir manna sem um ræðir. Það er ranglega fullyrt í greininni að innan Evrópu sé viðvarandi fátækt. Það er verið að leysa það vandamál en það tekur tíma og það ferli er mjög hægfara. Síðan er Haraldur Ólafsson að kenna Úkraínu um innrás og innlimun rússlands á landsvæði sem tilheyrir Úkraínu með þessari hérna fullyrðingu „[...] en ekki samband aðeins 5% jarðarbúa sem ætti í sífelldum vandræðum vegna innri sundrungar, viðvarandi kreppu og fátæktar, og á nú í blóðugu stríði í eigin túnfæti. [...]“ (greinin á vísir.is). Það var ekki Evrópusambandið sem hóf þetta stríð, það var rússland sem er undir alræði Pútin og bandamanna hans.

Sú fullyrðing að Evrópusambandið sé að stuðla að einangrun er fáránleg og á að vísa frá sem slíkri. Málflutningur Haraldar Ólafssonar, Heimssýnar og annara andstæðinga ESB á Íslandi er sá að þeir vilja einangra Ísland efnahagslega, alþjóðlega og fleira þannig. Slíkt mundi auka fátækt Íslandi, hækka kostnað upp úr öllu valdi og kjör íslendinga yrðu hrikalega slæm í kjölfarið (augljóslega).

Síðan skilur Haraldur Ólafsson ekki hvað fullveldi þýðir, tilgang þess eða uppruna. Hann hefur aldrei gert það og það sést á greinaskrifum hans og þeim fullyrðingum sem hann hefur sett fram í gegnum árin.

Vextir og Verðbólga

Efnahagsmál eru flókin og ekki hægt að segja til um hvað gerist. Hinsvegar er ástandið verra á Íslandi. Þar sem rangar mælieiningar eru notaðar og það skekkir niðurstöðuna og þær hugmyndir sem fólk fær af stöðu mála.

Íslendingar hafa verðlag á húsnæði í verðbólgumælingum á Íslandi. Það skekkir allar niðurstöður, sérstaklega þegar það er húsnæðisbóla í gangi eins og er núna á Íslandi. Þar sem húsnæðisverð er margfalt miðað við það sem það ætti að vera.

Opinber verðbólga á Íslandi núna í Nóvember 2024 er 4,8% samkvæmt Hagstofunni (grein hérna). Það er hinsvegar ekki raun verðbólga, sem er samkvæmt sömu grein aðeins 2,7% eða vísitala neysluverðs án húsnæðis (þessi sama vísitala var 3,8% í Október eða September, sjá hérna). Það er hinn alþjóðlegi staðall sem er notaður til þess að mæla verðbólgu, enda er húsnæði ekki neysluvara. Húsnæði er fastur kostnaður, hvort sem að fólk er að leigja að eða kaupa. Þessi skekkja hefur valdið því að íslendingar hafa verið að lifa við margfalt hærri stýrivexti en nauðsynlegt var að hafa. Ásamt því að hafa heyrt að verðbólgan sé margfalt hærri heldur en hún er í raunveruleikanum.

Hjörtur J. Guðmundsson skrifar rangfærslugrein á vísir.is (sjá hérna) þann 29. Nóvember 2024 um verðbólgu og stýrivexti á Íslandi og Evrusvæðinu. Þetta gerir hann án þess að skilja um hvað hann skrifar. Ég ætla að hunsa allt það sem ekki tengist verðbólgu í þessari grein hans. Þá er fullyrðing hans að verðbólga á Íslandi sé innflutt einfaldlega röng og stenst ekki neina skoðun á staðreyndum.

Verðbólga á evrusvæðinu er núna í Nóvember 2024 aðeins 2,3% eins og sjá má hérna. Ásamt sundurliðun á verðbólgu síðustu mánuði á evrusvæðinu. Þar er einnig kostnaður vegna raforku settur í sér lið, svo hægt sé að mæla hækkun og lækkun á raforkuverði sérstaklega. Þar sem rafmagn og hitun húsnæðis getur verið mjög dýr innan evrusvæðisins.

Það að Ísland gangi í Evrópusambandið mun eingöngu lækka verðbólgu, þar sem tollar verða afnumdir á innflutning á vörum til Íslands (tollar eru skattur á neytandann). Ásamt því að hin sérstaka íslenska leið til þess að mæla verðbólgu verður aflögð í kjölfarið (ég vænti þess, þar sem Evrópusambandið gerir kröfur um samræmdar mælingar og svona sérleiðir eru ekki í boði). Síðan sem undanfari að upptöku evrunnar, þá þarf að lækka stýrivexti, koma á föstu gengi gagnvart evrunni með 15% vikurmörkum. Ásamt fleiri kröfum sem íslendingar mundu þurfa að fylgja.

Það er einnig þannig að stærri gjaldmiðill, eins og evran ræður við miklu stærri högg ef áföll verða. Sem er ólíkt því sem er staðan með íslensku krónuna sem ræður ekki við nein stór áföll og er alltaf í óvissu hvernig staðan verður eftir ár eða sex mánuði.

Það er vonandi að íslendingar verði orðnir fullir aðildar að Evrópusambandinu innan nokkura ára.

Höfundur er borgaralegur vísindamaður sem er búsettur í Danmörku.