Minna nú á skoðun öku­tækja á Ísland.is

Þar kemur einnig fram að í fyrsta áfanga innleiðingarinnar verði pósthólfið nýtt til að minna fólk á skoðunartíma ökutækja sinna. Fyrsta virka dag fyrsta skoðunarmánaðar ökutækisins verður eiganda ökutækisins, aðaleiganda eða umráðamanni, sendur póstur gegnum Ísland.is um að nú sé komið að skoðun. Tilkynningin er hér. 

Þá fær fólk einnig póst um tveimur vikum áður en vanrækslugjald fellur á. Gjaldið er lagt á eigendur eða umráðamenn ökutækja sem mæta ekki með ökutækin í lögboðna ökutækjaskoðun innan gefins tímafrests.

Vanrækslugjald er 20.000 krónur vegna allra ökutækja nema tiltekinna flokka hópbifreiða, vörubifreiða og eftirvagna en gjald vegna þeirra er 40.000 krónur.

Allir einstaklingar sem fá útgefna kennitölu og allir lögaðilar sem skráðir eru í fyrirtækjaskrá hafa aðgang að sínu eigin stafræna pósthólfi á Ísland.is. Hægt er að stilla pósthólfið þannig að það sendi hnipp til eiganda þess þegar póstur hefur borist.