Víkingar fengu góða sumar­gjöf

Þær Sigdís Eva Bárðardóttir, Sigurborg Katla Sigurbjörnsdóttir og Bergdís Sveinsdóttir hafa allar gert þriggja ára samning við Víking.

Þær voru allar í lykilhlutverki þegar Víkingur vann Lengjudeildina og Mjólkurbikarinn á síðasta tímabili. Víkingar unnu svo Meistarakeppni KSÍ fyrr í þessum mánuði.

Víkingur mætti Stjörnunni í fyrsta leik sínum í Bestu deildinni í vikunni og vann 1-2 sigur. Sigdís, Katla og Bergdís voru allar í byrjunarliði Víkinga og sú fyrstnefnda skoraði fyrra mark liðsins.

Næsti leikur Víkings er gegn hinum nýliðunum, Fylki, klukkan 16:15 á morgun. Leikurinn verður sýndur beint á Stöð 2 Sport 5.