Innlent

Loka aftur Súða­víkur­hlíð vegna snjó­flóða­hættu

Samúel Karl Ólason skrifar
Veginum um Súðavíkurhlíð verður lokað í síðasta lagi klukkan ellefu í kvöld.
Veginum um Súðavíkurhlíð verður lokað í síðasta lagi klukkan ellefu í kvöld. Lögreglan á Vestfjörðum

Veginum um Súðavíkur- og Kirkjubólshlíð, milli Ísafjarðar og Súðavíkur, verður aftur lokað í kvöld. Honum var lokað í gær eftir að snjóflóð féll á veginn.

Nú verður honum lokað vegna mikillar snjóflóðahættu, sem sögð er hafa auksit á svæðinu. Veginum verður lokað ekki seinna en ellefu í kvöld og er gert ráð fyrir því að hann verði opnaður afur snemma í fyrramálið.

Bragi Þór Thoroddsen, sveitarstjóri Súðavíkurhrepps, sagði í samtali við fréttastofu í dag að mildi hefði verið að snjóflóðið í gærkvöldi hefði ekki farið á bíla sem verið var að aka um Súðavíkurhlíð.

„Það voru allavega tveir bílar þarna sitt hvoru megin við flóðið. Maður veit ekki hversu margir aðrir hafa verið á hlíðinni.“

Nokkrir urðu veðurtepptir í bænum vegna snjóflóðsins.

Lögreglan á Vestfjörðum segir að verði einhver innlyksa í Súðavík geti hann haft samband við lögregluna í gegnum Neyðarlínuna.

Súðavíkurhreppur Ísafjarðarbær Umferðaröryggi Veður

Tengdar fréttir

Vegurinn milli Súðavíkur og Ísafjarðar opinn á ný

Vegurinn á milli Ísafjarðar og Súðavíkur á Vestfjörðum hefur verið opnaður fyrir umferð á nýjan leik. Veginum var lokað í gærkvöldi eftir að snjóflóð féll úr hlíðinni og yfir veginn. 

Mest lesið


Fleiri fréttir

Sjá meira


×

Mest lesið