Þórir og „farandsirkusinn“ halda sínu striki

Frá þessu er greint á vef­­síðu NRK en Noregur hefur titil að verja á mótinu og til að tak­­marka hættuna á því að leik­­menn liðsins veikist hefur verið á­­kveðið að sam­­skiptum þeirra við stuðnings­­menn verði haldið í al­­gjöru lág­­marki á meðan á mótinu stendur.

Á­­kvörðun Þóris hefur verið harð­­lega gagn­rýnd af á­­kveðnum aðilum í Noregi, þar á meðal af blaða­manninum Leif Wel­ha­ven.

Þórir ætlar sér ekki að draga þessa á­­kvörðun sína til baka en Noregur mun, líkt og Dan­­mörk og Sví­­þjóð, leika á heima­velli á mótinu.

„Við verðum eins og farandsirkus í nóvember og desember. Munum heim­­sækja fólk í Hamar, Lil­lehammer, Stavan­ger og Þránd­heimi. Við þurfum að breiða út eld­­móð og leggja hart að okkur til að skapa góðan grunn að úr­­slitum fyrir okkur innan vallar. Það er það sem norska þjóðin vill.

Svo þurfum við að grípa til á­­kveðinna fyrir­­byggjandi að­­gerða og hugsa vel um okkur. Við munum gefa færri færi á okkur utan vallar en munum þó út­býta eigin­handar­á­­ritunum, myndum af stelpunum og gefa kost á sjálfum úr á­­kveðinni fjar­lægð.

Það er á­byrgðar­hlut­­verk hjá okkur að hugsa vel um okkur. Við gætum verið að fara spila tólf leiki á fjórum vikum og þá er það mikil­­vægt að hafa eins marka leik­­menn heila heilsu eins og kostur er á.

Norska lands­liðið hefur leik á HM á mið­viku­­daginn í næstu viku þegar að liðið tekur á móti Græn­landi. En áður en að sá leikur fer fram tekur Noregur þátt á Posten Cup æfingar­­mótinu sem hefst í dag. Þar mun liðið meðal annars mæta Ís­landi á laugar­­daginn kemur.