Far­þegar sel­fluttir í land: Reykja­víkur­höfn stút­full af skemmti­ferða­skipum

Skemmti­ferða­skipin sem um ræðir eru MSC Preziosa, MS Fram, Scenic Eclip­se 2 og Ocean Maje­sty, að því er fram kemur á vef Faxa­flóa­hafna. Ekki náðist í Gunnar Tryggva­son, hafnar­stjóra vegna málsins en frétta­stofu hafa borist myndir og á­bendingar frá veg­far­endum sem hafa gefið því gaum hve mörg skemmti­ferða­skip liggja nú við Reykja­víkur­höfn.

Segir ferða­þjónustuna til­búna í við­ræður um skemmti­ferða­skip

3.502 ferða­menn eru um borð í Preziosa, 254 í MS Fram, 228 í Scenic Eclip­se og 621 um borð í Ocean Maje­sty. Tölu­verð um­ræða hefur átt sér stað um fjölda skemmti­ferða­skipa sem leggja leið sína hingað til lands og fréttir fluttar af því að þau séu meðal annars mesti mengunar­valdur Evrópu.

Bjarn­heiður Halls­dóttir, for­maður Sam­taka ferða­þjónustunnar, segir í sam­tali við Vísi að ljóst sé að nú sé háanna­tími þegar við­kemur komu slíkra skipa til landsins og staðan í Reykja­víkur­höfn sýni fram á það.

„Ferða­þjónustan gerir sér grein fyrir því að of mikið álag á inn­viði skaðar greinina sjálfa. Við viljum það alls ekki og erum til­búin í sam­ræður um það hvernig sé hægt að stýra um­ferð slíkra skipa hingað til lands.“

Gríðar­leg aukning hafi orðið á komu slíkra skipa hingað til lands. Hingað hafi orðið 40 prósent aukning á far­þega­fjölda slíkra skipa hingað til lands á einu ári. Bjarn­heiður segir fjölda skipa al­farið í höndum við­komandi sveitar­fé­laga og hafnar­stjóra eins og staðan sé núna. Far­þegar skemmti­ferða­skipa séu gjarnan sel­fluttir í land úti á landi þó það sé ekki al­gengt í Reykja­vík.

„En það er greini­lega mikið að gera ef að höfnin er sprungin. Við höfum skilning á þeim þrýsting sem hefur myndast á stjórn­völd að skoða fyrir­komu­lagið á komu þessara skipa til landsins og ég held að það væri bara af hinu góða.“