Daníel Freyr með stór­leik þegar Lem­vig-Thyborøn hélt sæti sínu

Daníel Freyr hefur samið við uppeldisfélag sitt FH og mun ganga í raðir þess í sumar. Hann kvaddi þó á besta mögulega hátt, með því að múra fyrir markið þegar Lemvig-Thyborøn vann öruggan 12 marka sigur á Team Sydhavsøerne.

Sigurinn var einkar öruggur en Daníel Freyr átti sinn þátt í því. Hann varði 19 skot í leik kvöldsins og var með 46,3 prósent hlutfallsmarkvörslu.

Þetta var annar sigur Lemvig-Thyborøn í einvíginu og þar með er sætið öruggt. Daníel Freyr var með 50 prósent hlutfallsmarkvörslu í fyrri leik liðanna.