Saka Úkraínu­menn um bana­til­ræði gegn Pútín í morgun

Myndskeið hafa verið birt á samfélagsmiðlum sem sýna dróna svífa yfir Kreml snemma í morgun. Ríkisfréttastofan RIA segir að tveir drónar hafi verið notaðir í árásinni en þeir hafi verið teknir niður af rússneskum öryggissveitum.

Pútín hafi ekki sakað né hafi verið unnar skemmdir á byggingum.

RIA hefur eftir ráðamönnum að um sé að ræða skipulagt banatilræði gegn forsetanum í aðdraganda Sigurdagsins 9. maí næstkomandi. Árásin muni ekki hafa áhrif á dagskrá forsetans.

Rússar áskilji sér réttinn til að hefna fyrir árásina, hvar og hvenær sem er.

Úkraínumenn hafa ekki svarað ásökununum.

Fyrir neðan má sjá nokkur myndskeið.