Handbolti

Meistararnir mæta Haukum

Sindri Sverrisson skrifar
Valskonur eiga titil að verja í bikarkeppninni.
Valskonur eiga titil að verja í bikarkeppninni. VÍSIR/HULDA MARGRÉT

Dregið var í undanúrslit Powerade-bikars karla og kvenna í handbolta í dag en úrslitin í keppninni ráðast með bikarveislu í Laugardalshöll 15.-18. mars.

Ríkjandi bikarmeistarar kvenna, Valskonur, drógust gegn Haukum í slag félaganna sem séra Friðrik Friðriksson kom á fót.

Í hinum undanúrslitaleiknum hjá konunum mætast suðurlandsliðin ÍBV og Selfoss.

Miðvikudaginn 15. mars

  • Haukar – Valur
  • ÍBV – Selfoss

Ríkjandi bikarmeistarar karla, Valsmenn, eru fallnir úr leik en liðið sem sló þá út, Stjarnan, mætir Aftureldingu. Í hinum undanúrslitaleiknum hjá körlunum mætast Fram og Haukar.

Fimmtudaginn 16. mars

  • Fram – Haukar
  • Afturelding – Stjarnan

Úrslitaleikirnir fara svo fram laugardaginn 18. mars, í Laugardalshöll líkt og allir undanúrslitaleikirnir.

Powerade-bikarinn Valur Haukar ÍBV UMF Selfoss Fram Afturelding Stjarnan

Mest lesið


Fleiri fréttir

Sjá meira


×

Mest lesið